DakshTimes News Network
मुंबई क्राइम ब्रांच युनिट-९ची कारवाई; दुसऱ्या फरार आरोपीचा शोध सुरू
मुंबई | प्रतिनिधी: काशिनाथ शिंदे
मुंबईतील अमली पदार्थांच्या तस्करीविरोधात मुंबई क्राइम ब्रांचच्या युनिट-९ने मोठी कारवाई केली आहे. २४ ऑक्टोबर २०२६ रोजी मिळालेल्या गोपनीय माहितीच्या आधारे पोलिसांनी बांद्रा पश्चिम परिसरातील एका घरावर छापा टाकला. या कारवाईत १ किलो ५०५ ग्रॅम चरस जप्त करण्यात आली असून, आंतरराष्ट्रीय बाजारात तिची अंदाजित किंमत सुमारे १ कोटी ५० लाख रुपये असल्याचे सांगण्यात आले आहे.
या प्रकरणी ४० वर्षीय एका आरोपीला अटक करण्यात आली आहे. तर, अन्य एका वांछित आरोपीचा शोध सुरू आहे. याप्रकरणी अमली पदार्थ आणि मनःप्रभावी पदार्थ कायद्यानुसार (एनडीपीएस) गुन्हा दाखल करण्यात आला आहे.
वरिष्ठ अधिकाऱ्यांच्या मार्गदर्शनाखाली कारवाई
मुंबई पोलीस आयुक्त देवेन भारती, संयुक्त पोलीस आयुक्त (गुन्हे) अनिल कुंभारे, अतिरिक्त पोलीस आयुक्त (गुन्हे) कृष्णकांत उपाध्याय, पोलीस उपायुक्त (प्रकटीकरण-१) नवनाथ ढवळे आणि सहायक पोलीस आयुक्त (डी-पूर्व) धर्मपाल बनसोडे यांच्या मार्गदर्शनाखाली ही कारवाई करण्यात आली.
पथकातील अधिकारी आणि कर्मचाऱ्यांचा सहभाग
या कारवाईत प्रपोनिल सचिन पुराणिक, सपोनिल महेंद्र पाटील, विजय धोत्रे, पोलीस उपनिरीक्षक कल्याण पाटील, ऋषिकेश बाबर, सफौ सुभाष शिंदे, पोलीस हवालदार राहुल पवार, पोलीस शिपाई राकेश कदम, रविंद्र वाघमारे आणि महिला पोलीस शिपाई पूनम जगताप यांनी सहभाग घेतला.
जप्त केलेल्या अमली पदार्थांच्या प्रकरणाचा पुढील तपास सुरू असून, फरार आरोपीचा शोध घेण्याचे काम पोलीस करत आहेत.
