DakshTimes News Network
गुन्हे शाखा युनिट-१ची कारवाई; २१ वर्षीय तरुणाला अटक, ड्रग्ज तस्करीचे जाळे उघड होण्याची शक्यता
काशिनाथ शिंदे
पुणे : शहरात अमली पदार्थांची तस्करी आणि विक्री करणाऱ्यांविरोधात पुणे पोलिसांच्या गुन्हे शाखेने मोठी कारवाई केली आहे. गुन्हे शाखेच्या युनिट-१च्या पथकाने एका २१ वर्षीय तरुणाला अटक करून त्याच्याकडून तब्बल १ कोटी ८९ लाख ४७ हजार रुपये किमतीचे एमडी (मेफेड्रोन) अमली पदार्थ जप्त केले आहेत.
या प्रकरणी अटक करण्यात आलेल्या आरोपीविरोधात अमली पदार्थ प्रतिबंधक कायद्यानुसार (एनडीपीएस) गुन्हा दाखल करण्यात आला आहे. आरोपीकडे एवढ्या मोठ्या प्रमाणात एमडी ड्रग्ज कुठून आले, त्याचा पुरवठादार कोण आहे आणि या तस्करीच्या जाळ्यात आणखी कोणाचा सहभाग आहे, याचा तपास पोलीस करत आहेत.
या कारवाईमुळे पुण्यातील अमली पदार्थांच्या अवैध व्यापाराविरोधात पोलिसांनी सुरू ठेवलेल्या मोहिमेला महत्त्वाचे यश मिळाले आहे
