DakshTimes News Network
जपानसह आशियातील बाजारपेठेत स्थान भक्कम होणार; आयटी सेवा आणि कृत्रिम बुद्धिमत्ता क्षेत्राला मिळणार नवी ताकद
काशिनाथ शिंदे
पुणे : माहिती तंत्रज्ञान आणि भाषा सेवा क्षेत्रातील अग्रगण्य कंपनी फिडेल सॉफ्टटेक लिमिटेडने सॉफ्टेंजर आणि तिच्या समूह कंपन्यांच्या धोरणात्मक अधिग्रहणाची प्रक्रिया सुरू केल्याची घोषणा केली आहे. सुमारे २०० कोटी रुपयांची उलाढाल असलेल्या सॉफ्टेंजरच्या अधिग्रहणामुळे फिडेल सॉफ्टटेकचा जागतिक विस्तार अधिक वेगाने होण्यासह आशियातील बाजारपेठेत कंपनीचे स्थान भक्कम होणार आहे.
सॉफ्टेंजर ही भारत, सिंगापूर, मलेशिया आणि संयुक्त अरब अमिरातीमध्ये कार्यरत असलेली माहिती तंत्रज्ञान क्षेत्रातील प्रस्थापित कंपनी आहे. माहिती तंत्रज्ञान पायाभूत सुविधा व्यवस्थापन, सायबर सुरक्षा, माहिती केंद्रांना तांत्रिक सहाय्य, उद्योगांसाठी तंत्रज्ञान सेवा आणि व्यवस्थापित सेवा या क्षेत्रांत कंपनी कार्यरत आहे.
या नियोजित अधिग्रहणामुळे फिडेल सॉफ्टटेकच्या ग्राहकवर्गात, व्यावसायिक क्षमतेत आणि भौगोलिक विस्तारात लक्षणीय वाढ होणार आहे. तसेच अनुभवी तंत्रज्ञांची मोठी टीम, विविध देशांतील प्रस्थापित ग्राहकसंबंध आणि माहिती तंत्रज्ञान पायाभूत सुविधा व्यवस्थापनातील कौशल्य कंपनीला उपलब्ध होणार आहे. दोन्ही कंपन्यांच्या एकत्रित क्षमतेमुळे कृत्रिम बुद्धिमत्तेवर आधारित स्वयंचलित सेवा, व्यवस्थापन आणि तंत्रज्ञान क्षेत्रातील नव्या संधीही निर्माण होण्याची अपेक्षा आहे.
अधिग्रहण प्रक्रिया पूर्ण झाल्यानंतर फिडेल सॉफ्टटेक जपानमधील आपले प्रस्थापित अस्तित्व, बहुभाषिक सेवा आणि डिजिटल परिवर्तनातील कौशल्य यांची सांगड सॉफ्टेंजरच्या पायाभूत सुविधा व व्यवस्थापित सेवांशी घालणार आहे. यातून जागतिक स्तरावर एकात्मिक तंत्रज्ञान सेवा समूह म्हणून कंपनीची वाटचाल अधिक मजबूत होणार आहे.
महसूलवाढीचे उद्दिष्ट साध्य करण्यास मदत – सुनील कुलकर्णी
फिडेल सॉफ्टटेकचे मुख्य कार्यकारी अधिकारी सुनील कुलकर्णी म्हणाले, “सॉफ्टेंजर आणि तिच्या समूह कंपन्यांचे नियोजित अधिग्रहण हे फिडेलच्या विकासप्रवासातील महत्त्वाचे पाऊल आहे. नैसर्गिक वाढ आणि धोरणात्मक अधिग्रहणाच्या माध्यमातून कंपनीने गेल्या काही वर्षांत आपली क्षमता सातत्याने वाढवली आहे. या अधिग्रहणामुळे अनुभवी मनुष्यबळ, विस्तारित कार्यक्षेत्र आणि विविध बाजारपेठांमधील प्रस्थापित ग्राहकसंबंधांचा लाभ मिळणार आहे. जपानमधील आमचे कौशल्य, डिजिटल परिवर्तन आणि कृत्रिम बुद्धिमत्ता सेवांचा विस्तार करण्यासाठीही नव्या संधी उपलब्ध होतील. आगामी काळात मोठी, विविधांगी आणि जागतिक स्तरावर एकात्मिक तंत्रज्ञान सेवा संस्था उभारण्याचे आमचे उद्दिष्ट आहे. यामुळे महसूलवाढीची उद्दिष्टे साध्य करण्यासह शाश्वत विकास, कार्यक्षमता आणि दीर्घकालीन मूल्यनिर्मितीला चालना मिळेल.”
सलग चौथ्या वर्षी २२.५ टक्के लाभांश
फिडेल सॉफ्टटेक लिमिटेड ही राष्ट्रीय शेअर बाजारात (एनएसई) सूचिबद्ध माहिती तंत्रज्ञान आणि भाषा सेवा क्षेत्रातील कंपनी आहे. आर्थिक वर्ष २०२५-२६ मध्ये कंपनीने सलग चौथ्या वर्षी भागधारकांसाठी २२.५ टक्के लाभांश जाहीर केला आहे. कंपनीचे कामकाज जपान, भारत आणि अमेरिका या देशांमध्ये विस्तारलेले आहे. जागतिक ग्राहकांना माहिती तंत्रज्ञान पायाभूत सुविधा, व्यवस्थापित सेवा, उद्योगांसाठी तंत्रज्ञान उपाय, डिजिटल परिवर्तन, कृत्रिम बुद्धिमत्ता, माहिती विश्लेषण, स्थानिकीकरण आणि बहुभाषिक मनुष्यबळ सेवा पुरविल्या जातात, अशी माहिती कंपनीचे संस्थापक अध्यक्ष सुनील कुलकर्णी यांनी दिली.
कंपनीच्या या धोरणात्मक अधिग्रहणामुळे जागतिक तंत्रज्ञान सेवा क्षेत्रातील स्पर्धात्मक क्षमता वाढण्यासह भविष्यातील विस्ताराला नवी दिशा मिळण्याची अपेक्षा व्यक्त होत आहे.
अधिक माहितीसाठी : www.fidelsoftech.com
