DakshTimes News Network
सहकारनगर पोलीस ठाण्यातील गंभीर गुन्ह्याचा छडा; चौकशीत आरोपींनी गुन्ह्यातील सहभाग कबूल केल्याची पोलिसांची माहिती
काशिनाथ शिंदे
पुणे : पुणे गुन्हे शाखेच्या युनिट-२ने गंभीर गुन्ह्यातील चार फरार आरोपींना धनकवडी परिसरातून ताब्यात घेतले आहे. धनकवडीतील तीन हत्ती चौक, संभाजीनगर परिसरात ही कारवाई करण्यात आली. सहकारनगर पोलीस ठाण्यात दाखल असलेल्या गंभीर गुन्ह्याच्या तपासादरम्यान ही महत्त्वपूर्ण कारवाई करण्यात आली.
ताब्यात घेतलेल्या आरोपींची नावे सोमनाथ रामकृष्ण कांबळे (वय ३८), बापू रामकृष्ण कांबळे (वय ३८), प्रेम सोमनाथ कांबळे (वय १९) आणि साहिल बापू कांबळे (वय २२) अशी आहेत.
पोलिसांनी दिलेल्या माहितीनुसार, चौकशीदरम्यान चौघांनीही संबंधित गुन्ह्यातील सहभाग कबूल केला आहे. त्यानंतर पुढील कायदेशीर कारवाईसाठी चारही आरोपींना सहकारनगर पोलिसांच्या ताब्यात देण्यात आले आहे.
पुणे गुन्हे शाखेच्या युनिट-२ने केलेल्या या कारवाईमुळे संबंधित गुन्ह्याच्या तपासाला महत्त्वाची दिशा मिळाली आहे.
