Oplus_131072
काशिनाथ शिंदे मोशी
मोशी येथील घनकचरा डेपो दुर्घटनेनंतर अडकलेल्या सर्व कामगारांना सुखरूप बाहेर काढण्यासाठी युद्धपातळीवर बचावकार्य सुरू असून, प्रत्येक कामगाराचा जीव आमच्यासाठी महत्त्वाचा असल्याची भावना व्यक्त करण्यात आली आहे. शेवटचा कर्मचारी सुरक्षितपणे बाहेर येईपर्यंत मदत व बचावकार्य अखंडपणे सुरू राहणार असल्याचे प्रशासनाने स्पष्ट केले आहे.
घटनेचे गांभीर्य लक्षात घेऊन महाराष्ट्र राज्याचे जलसंपदा व आपत्ती व्यवस्थापन मंत्री नामदार गिरीशभाऊ महाजन यांनी तातडीने मोशी येथे घटनास्थळी भेट देत बचावकार्याचा आढावा घेतला. त्यांच्या उपस्थितीमुळे बचाव मोहिमेला अधिक वेग मिळाल्याचे सांगण्यात आले.
यावेळी भोसरी विधानसभा मतदारसंघाचे आमदार महेशदादा लांडगे, भोसरीचे आमदार शंकरभाऊ जगताप तसेच पिंपरी-चिंचवड शहर भारतीय जनता पक्षाचे शहराध्यक्ष शत्रुघ्न (बापू) काटे यांच्यासह महानगरपालिकेचे वरिष्ठ अधिकारी, अग्निशमन दल, आपत्ती व्यवस्थापन पथक आणि विविध यंत्रणांचे अधिकारी घटनास्थळी उपस्थित राहून बचावकार्यावर लक्ष ठेवून आहेत.
दरम्यान, सर्व अडकलेले कामगार सुखरूप बाहेर यावेत यासाठी नागरिकांकडून प्रार्थना केली जात असून, श्री विठ्ठल तसेच संतश्रेष्ठ ज्ञानेश्वर माऊली आणि संत तुकाराम महाराज यांच्या चरणी साकडे घालण्यात येत आहे.
दक्ष टाइम्स सर्व कामगारांच्या सुरक्षिततेसाठी प्रार्थना व्यक्त करत असून, बचावकार्यावरील प्रत्येक घडामोडीवर लक्ष ठेवून आहे.
About the Author
