Oplus_131072
काशिनाथ शिंदे : पिंपरी चिंचवड
पिंपरी : शहरातील रस्त्यांवर पडलेल्या खड्ड्यांमुळे अपघातांचा धोका वाढला असून नागरिकांना मोठा त्रास सहन करावा लागत आहे. त्यामुळे महापालिकेने आठवडाभरात खड्डे बुजवून रस्ते दुरुस्त करावेत, अन्यथा राष्ट्रवादी काँग्रेस वाहतूक सेलतर्फे तीव्र आंदोलन छेडण्यात येईल, असा इशारा शहराध्यक्ष विनोद वरखडे यांनी दिला आहे.
याबाबत वरखडे यांनी महापालिका आयुक्त, महापौर आणि विरोधी पक्षनेते यांना निवेदन दिले आहे. प्रदीप आवटी, अकबर शेख, स्वप्नील चव्हाण, भरत वाळके. अनुराग कुरणे आदी उपस्थित होते. निवेदनात म्हटले आहे की, देहू-आळंदी रस्ता, चिंचवड स्टेशन, तळवडे, मोशी-चऱ्होली मार्ग, बोऱ्हाडेवाडी तसेच चिंचवड स्टेशन ते चिखली परिसरातील रस्त्यांची दुरवस्था झाली आहे. पावसामुळे खड्ड्यांमध्ये पाणी साचत असल्याने वाहनचालकांना त्यांचा अंदाज येत नसून अपघातांचे प्रमाण वाढत आहे.
निगडी ते चिंचवड मेट्रोच्या कामामुळेही वाहतूक विस्कळीत होत आहे. रस्ते अरुंद झाल्याने नागरिकांना मोठ्या अडचणींचा सामना करावा लागत आहे. पावसाळ्यात खड्डे दुरुस्त करताना त्यात मुरुम भरला जातो. पाऊस आल्यानंतर तो वाहून जातो. खड्डे पुन्हा उघडे पडत असल्याने कायमस्वरूपी उपाययोजना करण्याची मागणीही त्यांनी केली आहे
About the Author
