Oplus_131072
काशिनाथ शिंदे : कुरळी
कुरुळी हद्दीतील पुणे–नाशिक महामार्गावर मंगळवारी तुटलेली केबल रस्त्यावर पडल्याने मोठा अपघात होण्याची शक्यता निर्माण झाली होती. या केबलमध्ये अडकून दोन दुचाकीस्वार रस्त्यावर कोसळल्याची घटना प्रत्यक्षदर्शींनी पाहिली. मात्र, प्रसंगावधान राखत काही नागरिकांनी तातडीने रस्त्यावर पडलेली केबल बाजूला केल्याने पुढील संभाव्य मोठी दुर्घटना टळली.
घटनास्थळी उपस्थित असलेल्या नागरिकांनी क्षणाचाही विलंब न करता आपली वाहने सुरक्षित ठिकाणी उभी करून रस्त्यावरील केबल हटवली. त्यामुळे वाहतुकीतील अडथळा दूर झाला आणि पुढील अपघात टळले.
या घटनेच्या पार्श्वभूमीवर केबल व्यवसायिकांनी आपल्या केबल लाईनची नियमित तपासणी करणे, तुटलेल्या किंवा सैल झालेल्या केबलची त्वरित दुरुस्ती करणे आणि सार्वजनिक रस्त्यांवर नागरिकांच्या सुरक्षिततेला प्राधान्य देणे आवश्यक असल्याची भावना नागरिकांनी व्यक्त केली.
पुणे–नाशिकसारख्या वर्दळीच्या महामार्गावर निष्काळजीपणामुळे कोणाच्याही जीवाशी खेळ होऊ शकतो. त्यामुळे संबंधित केबल व्यावसायिकांनी जबाबदारीने काम करून अशा घटना पुन्हा घडणार नाहीत, याची दक्षता घेण्याची मागणी वाहनचालकांकडून करण्यात येत आहे.
About the Author
