Oplus_131072
काशिनाथ शिंदे :पिपंरी
स्व. अजितदादा पवार यांच्या जयंतीनिमित्त आयोजित करण्यात आलेल्या ‘अजितदादा जनसेवा सप्ताह’ अंतर्गत चिंचवडे नगर परिसरात भव्य स्वच्छता मोहीम राबविण्यात आली. गुरुमैया शाळा ते संकल्प चौक या परिसरात झालेल्या या उपक्रमाला नागरिकांचा उत्स्फूर्त प्रतिसाद लाभला.
परिसर स्वच्छ ठेवणे, नागरिकांचे आरोग्य निरोगी राखणे आणि स्वच्छतेबाबत जनजागृती निर्माण करणे हा या मोहिमेचा प्रमुख उद्देश होता. या अभियानात स्थानिक नागरिक, पर्यावरणप्रेमी, सामाजिक कार्यकर्ते तसेच विविध पदाधिकारी मोठ्या संख्येने सहभागी झाले. सर्वांनी श्रमदान करत परिसराची स्वच्छता केली आणि स्वच्छता हीच खरी सामाजिक जबाबदारी असल्याचा प्रभावी संदेश दिला.
या स्वच्छता मोहिमेदरम्यान विरोधी पक्षनेते भाऊसाहेब भोईर, सामाजिक कार्यकर्ते धनंजय वाल्हेकर, पाटीलबुवा चिंचवडे, मोतीलाल पाटील आणि कमलाकर गोसावी यांच्यासह प्रभागातील अनेक मान्यवर व नागरिक मोठ्या संख्येने उपस्थित होते.
या उपक्रमामुळे परिसरात स्वच्छतेबाबत सकारात्मक वातावरण निर्माण झाले असून, “स्वच्छ शहर, निरोगी नागरिक” हा संदेश प्रभावीपणे जनतेपर्यंत पोहोचला. सहभागी नागरिकांनी अशा सामाजिक उपक्रमांचे सातत्याने आयोजन करण्याची अपेक्षाही व्यक्त केली.
About the Author
