DakshTimes News Network
काशिनाथ शिंदे: दिघी पुणे
बालसंस्कार व युवा प्रबोधन विभागाच्या वतीने दिघी येथे परमपूज्य गुरुमाऊलींच्या पावन आशीर्वादाने तसेच गुरुपुत्र आदरणीय नितीनभाऊ आणि श्री सतीश दादा मोटे यांच्या प्रेरणादायी उपस्थितीत गुरु पूजन, मातृ-पितृ पाद्य पूजन व सरस्वती पूजन संस्कार सोहळा भक्तिमय आणि उत्साहपूर्ण वातावरणात संपन्न झाला.
या संस्कारमय कार्यक्रमाला बालक, युवक, पालक आणि ज्येष्ठ नागरिकांनी मोठ्या संख्येने उपस्थित राहून उत्स्फूर्त प्रतिसाद दिला. संपूर्ण परिसर भक्ती, श्रद्धा आणि कृतज्ञतेच्या भावनेने भारावून गेला.
यावेळी गुरुपुत्र नितीनभाऊ यांनी भारतीय संस्कृतीतील गुरूंचे स्थान, मातृ-पितृ सेवेचे महत्त्व, संस्कारमय जीवनाची गरज आणि भावी पिढीच्या चारित्र्यनिर्मितीसाठी आवश्यक मूल्ये यावर प्रभावी मार्गदर्शन केले. त्यांच्या विचारांनी उपस्थितांना संस्कारांचे महत्त्व नव्याने जाणवले.
यानंतर उपस्थितांनी आपल्या आई-वडिलांचे विधिवत मातृ-पितृ पाद्य पूजन करून त्यांच्याप्रती कृतज्ञता आणि आदर व्यक्त केला. तसेच सरस्वती पूजनातून ज्ञान, संस्कार आणि उज्ज्वल भवितव्याची प्रार्थना करण्यात आली.
कार्यक्रमाला माजी नगरसेवक योगेशभाऊ लांडगे, उदयभाऊ गायकवाड, विलासभाऊ मडेगिरी, विकासभाऊ डोळस, नगरसेविका अर्चना ताई सस्ते, सारिका ताई बोराटे, सारिका ताई लांडगे, कविता ताई भोंगाले, नवी महाराजा करिअर अकॅडमीचे विशालभाऊ कावळे, ॲड. अजित बोराडे, काशिनाथ शिंदे, पोलीस निरीक्षक पाटील साहेब, सामाजिक कार्यकर्ते गोरख गायकवाड, बिल्डर शंकर अण्णा तसेच नवनाथ मंदिराचे अध्यक्ष बाळासाहेब चव्हाण यांच्यासह अनेक मान्यवर उपस्थित होते.
या प्रसंगी उपस्थितांनी, “जिथे गुरूंचे मार्गदर्शन, आई-वडिलांचा सन्मान आणि सरस्वतीचे पूजन होते, तिथेच संस्कारमय समाजाची भक्कम पायाभरणी होते,” असा संदेश देत भारतीय संस्कृतीची जपणूक करण्याचा निर्धार व्यक्त केला. कार्यक्रमाचा समारोप भक्तिमय वातावरणात आणि सर्वांच्या समाधानाने झाला.
