DakshTimes News Network
काशिनाथ शिंदे : पिंपरी चिंचवड
शेखर चिंचवडे युवा फाउंडेशनच्या वतीने दहावी आणि बारावीच्या परीक्षेत ७० टक्क्यांपेक्षा अधिक गुण मिळवणाऱ्या गुणवंत विद्यार्थ्यांचा भव्य सत्कार सोहळा आणि करिअर मार्गदर्शन शिबिर उत्साहात पार पडले. ग. दि. माडगूळकर सभागृहात आयोजित या कार्यक्रमात सुमारे १५० हून अधिक विद्यार्थ्यांचा सन्मान करण्यात आला.
या कार्यक्रमात सुप्रसिद्ध वक्ते प्रा. डॉ. ज्ञानेश्वर जाधवर, पिंपरी-चिंचवड महापालिकेतील विरोधी पक्षनेते भाऊसाहेब भोईर तसेच शिक्षण मंडळाचे उपसभापती नाना शिवले यांनी विद्यार्थी आणि पालकांशी संवाद साधत उच्च शिक्षण, करिअरच्या संधी, स्पर्धा परीक्षा आणि भविष्यातील वाटचालीबाबत सविस्तर मार्गदर्शन केले.
विद्यार्थ्यांच्या गुणवत्तेचा गौरव करण्याबरोबरच त्यांना योग्य दिशा, प्रेरणा आणि आत्मविश्वास मिळावा, या उद्देशाने या उपक्रमाचे आयोजन करण्यात आले होते. विद्यार्थ्यांच्या उज्ज्वल भविष्यासाठी प्रेरणादायी ठरलेल्या या कार्यक्रमाला विद्यार्थी, पालक आणि मान्यवरांचा उत्स्फूर्त प्रतिसाद लाभला.
शेखर चिंचवडे युवा फाउंडेशनच्या या उपक्रमाचे सर्व स्तरांतून कौतुक होत असून, गुणवंत विद्यार्थ्यांना प्रोत्साहन देणारा हा उपक्रम परिसरातील विद्यार्थ्यांसाठी प्रेरणादायी ठरत असल्याची भावना उपस्थितांनी व्यक्त केली.
