DakshTimes News Network
काशिनाथ शिंदे : देहूरोड
महाराष्ट्राचे माजी मुख्यमंत्री तथा शिवसेना (उद्धव बाळासाहेब ठाकरे) पक्षाचे पक्षप्रमुख मा. उद्धवजी बाळासाहेब ठाकरे आणि शिवसेना पुणे जिल्हा सल्लागार रमेश जाधव यांच्या वाढदिवसानिमित्त देहूरोड शहर शिवसेनेच्या वतीने विविध सामाजिक उपक्रमांचे आयोजन करण्यात आले.
चिंचोली येथील कर्मवीर भाऊराव पाटील विद्यामंदिर येथे आयोजित कार्यक्रमात विद्यार्थ्यांना शालेय साहित्याचे वाटप करण्यात आले. यासोबतच पर्यावरण संवर्धनाचा संदेश देण्यासाठी वृक्षारोपण करण्यात आले तसेच शाळेतील शिक्षकांचा सन्मान करून त्यांच्या शैक्षणिक कार्याबद्दल कृतज्ञता व्यक्त करण्यात आली.
या कार्यक्रमाला शिवसेना देहूरोड शहर प्रमुख संदीप बालघरे, शहर संघटक गणेश सावंत, भाजप प्रवक्ते संजय पिंजण, मोरेश्वर घाडगे, विशाल गांधीले यांच्यासह शिवसेना (उद्धव बाळासाहेब ठाकरे) पक्षाचे शहर पदाधिकारी, महिला आघाडी, युवासेना, वाहतूक सेना, विविध अंगीकृत संघटनांचे पदाधिकारी, कार्यकर्ते आणि शिवसैनिक मोठ्या संख्येने उपस्थित होते.
वाढदिवसानिमित्त सामाजिक बांधिलकी जपत शिक्षण, पर्यावरण आणि शिक्षक सन्मान या त्रिसूत्रीवर आधारित उपक्रम राबविल्याबद्दल उपस्थितांनी आयोजकांचे कौतुक केले.
