Oplus_131072
पिंपरी-चिंचवड : प्रादेशिक परिवहन कार्यालयाच्या अखत्यारितील मान्यता प्राप्त मोटार ड्रायव्हिंग स्कूल चालक व मालकांना भेडसावणाऱ्या विविध अडचणी सोडविण्यासाठी तातडीने सर्वसमावेशक बैठक आयोजित करण्यात यावी, अशी मागणी शहर वाहतूक सेलचे शहराध्यक्ष विनोद शंकरराव वरखडे यांनी प्रादेशिक परिवहन अधिकाऱ्यांकडे निवेदनाद्वारे केली आहे.
वरखडे यांनी दिलेल्या निवेदनात म्हटले आहे की, प्रादेशिक परिवहन कार्यालयाने अधिकृत परिपत्रक काढून सर्व मान्यता प्राप्त मोटार ड्रायव्हिंग स्कूल मालकांना बैठकीची पूर्वसूचना द्यावी. त्यानंतर सर्व संबंधितांची बैठक घेऊन ड्रायव्हिंग स्कूल व्यवसायासंदर्भातील विविध प्रशासकीय व तांत्रिक अडचणींवर सविस्तर चर्चा करून कायमस्वरूपी तोडगा काढावा.
याशिवाय, बैठकीत प्रत्येक ड्रायव्हिंग स्कूल मालकाला आपली भूमिका व समस्या मांडण्याची संधी मिळावी आणि त्यावर सकारात्मक निर्णय घेऊन व्यवसाय सुलभ करण्यासाठी आवश्यक उपाययोजना कराव्यात, अशीही मागणी त्यांनी केली आहे.
प्रादेशिक परिवहन कार्यालयाने या मागणीची तातडीने दखल घेत सर्व ड्रायव्हिंग स्कूल मालकांची बैठक बोलावून त्यांच्या प्रश्नांवर मार्ग काढावा, अशी अपेक्षा ड्रायव्हिंग स्कूल चालक व मालकांकडून व्यक्त केली जात आहे.
About the Author
