DakshTimes News Network
काशिनाथ शिंदे : दापोडी
पिंपरी-चिंचवड : भारत सरकारच्या गृह मंत्रालयाकडून ‘अति उत्कृष्ट पोलीस सेवा पदक’ जाहीर झाल्याबद्दल पोलीस निरीक्षक गौरव कुंभार यांचा फुगेवाडी-दापोडी शिवसेना शाखेच्या वतीने सत्कार करण्यात आला. गृहराज्यमंत्री योगेश कदम यांच्या हस्ते कुंभार यांचा सन्मान करण्यात आला.
पोलीस सेवेत केलेल्या उल्लेखनीय आणि उत्कृष्ट कार्याची दखल घेत गौरव कुंभार यांना हा मानाचा पुरस्कार मिळाला आहे. त्यांच्या या सन्मानामुळे फुगेवाडी-दापोडी परिसराच्या शिरपेचात मानाचा तुरा रोवला गेल्याची भावना उपस्थितांनी व्यक्त केली. त्यांच्या पुढील सेवेसाठी मान्यवरांनी शुभेच्छा दिल्या.
यावेळी शिवसेना उपनेते इरफान सय्यद, भाजप नेते सदगुरू कदम, शिवसेना विभागप्रमुख प्रमोद गायकवाड, विभागप्रमुख अविनाश जाधव, उपविभागप्रमुख योगेश बहिरट, उपविभागप्रमुख राहुल जाधव, प्रभागप्रमुख फिरोज शेख, कोकण महासंघाचे अध्यक्ष गजानन मोरे आदी मान्यवर उपस्थित होते.
कार्यक्रमाच्या शेवटी युवासेना शहर संघटक निलेश हाके यांनी उपस्थित मान्यवर, पदाधिकारी आणि कार्यकर्त्यांचे आभार मानले.
