DakshTimes News Network
काशिनाथ शिंदे
पिंपरी : शहराच्या सांस्कृतिक वैभवाची साक्ष देणारा आणि काही काळ खंडित झालेला ऐतिहासिक ‘पिंपरी चिंचवड महोत्सव’ आता नव्या ऊर्जा आणि दिमाखात पुन्हा सुरू होणार आहे. पक्षीय राजकारणाच्या पलीकडे जाऊन संपूर्ण शहराचा ‘आपला महोत्सव’ म्हणून हा सांस्कृतिक सोहळा साकारण्याचा संकल्प करण्यात आला आहे.
शहरातील कलावंतांना हक्काचे व्यासपीठ मिळावे आणि नागरिकांना दर्जेदार सांस्कृतिक मेजवानीचा आनंद घेता यावा, या उद्देशाने महोत्सवाच्या पुनरुज्जीवनासाठी महापौर रवीभाऊ लांडगे, आमदार अमित गोरखे आणि आयोजकांनी पुढाकार घेतला आहे.
या महोत्सवात कला क्षेत्राशी संबंधित तसेच शहराच्या विकासात योगदान देणारे आमदार महेश लांडगे, अण्णासाहेब बनसोडे, शंकर जगताप, आमदार उमा खापरे, खासदार श्रीरंग बारणे, डॉ. अमोल कोल्हे, तसेच उपमहापौर शर्मिला बाबर, पक्षनेते, गटनेते आणि सर्वपक्षीय लोकप्रतिनिधी सहभागी होणार आहेत.
पिंपरी चिंचवडच्या सांस्कृतिक क्षेत्राला नवी झळाळी देणारा हा महोत्सव शहरातील विविध कलागुणांना व्यासपीठ उपलब्ध करून देणार आहे. महोत्सवाचे स्वरूप, कार्यक्रमांची रूपरेषा आणि आयोजनाची सविस्तर माहिती लवकरच जाहीर करण्यात येणार आहे.
