DakshTimes News Network
काशिनाथ शिंदे
पिंपरी-चिंचवड : ज्येष्ठ नागरिकांच्या विविध सामाजिक, कायदेशीर आणि हक्कांच्या प्रश्नांना न्याय मिळवून देण्यासाठी समता ज्येष्ठ नागरिक संघाच्या कायदेशीर सल्लागारपदी अॅड. रमेश संभाजीराव उमरगे यांची नियुक्ती करण्यात आली आहे. संघाचे अध्यक्ष डॉ. चंद्रमणी सोनवणे यांच्या हस्ते, संघाच्या सर्व पदाधिकाऱ्यांच्या उपस्थितीत १० सप्टेंबर २०२६ रोजी अॅड. उमरगे यांना अधिकृत नियुक्तीपत्र प्रदान करण्यात आले.
ज्येष्ठ नागरिकांना त्यांच्या हक्कांची माहिती मिळावी, विविध कायदेशीर अडचणींमध्ये योग्य मार्गदर्शन मिळावे तसेच त्यांच्या न्याय्य मागण्यांसाठी कायदेशीर पातळीवर प्रभावी पाठपुरावा व्हावा, या उद्देशाने अॅड. उमरगे यांची नियुक्ती करण्यात आली आहे.
यावेळी डॉ. चंद्रमणी सोनवणे यांच्यासह संघाचे पदाधिकारी उपस्थित होते. अॅड. रमेश उमरगे यांच्या कायदेशीर अनुभवाचा ज्येष्ठ नागरिकांच्या प्रश्नांसाठी निश्चितच लाभ होईल, असा विश्वास संघाच्या पदाधिकाऱ्यांनी व्यक्त केला.
ज्येष्ठ नागरिकांच्या हक्कांसाठी संघटित लढ्याला आता कायदेशीर मार्गदर्शनाची साथ मिळाल्याने त्यांच्या विविध प्रश्नांना अधिक प्रभावीपणे वाचा फोडता येणार आहे.
