DakshTimes News Network
काशिनाथ शिंदे .पिंपरी-चिंचवड, दि. २३ जून : पुणे व परिसरात दहशत निर्माण करणाऱ्या घायवळ टोळीला मोठा धक्का बसला असून टोळीशी संबंधित असलेल्या दोन सराईत गुंडांना पोलिसांनी अटक केली आहे. रोहित उर्फ बबलू बाबासाहेब गोलेकर आणि ज्ञानेश्वर उर्फ माऊली दगडू तोंडे अशी अटक करण्यात आलेल्या आरोपींची नावे आहेत.
पोलिसांनी दिलेल्या माहितीनुसार, हे दोन्ही आरोपी पुणे शहरातील गंभीर स्वरूपाच्या गुन्ह्यांमध्ये फरार होते. त्यांचा शोध घेण्यासाठी पोलिसांकडून विशेष पथकांमार्फत तपास सुरू होता. गुप्त माहितीच्या आधारे सापळा रचून दोघांनाही ताब्यात घेण्यात आले.
अटक करण्यात आलेले आरोपी घायवळ टोळीशी संबंधित असून त्यांच्या अटकेमुळे टोळीच्या गुन्हेगारी कारवायांना मोठा आळा बसणार असल्याचे पोलिसांचे मत आहे. तसेच या आरोपींकडून आणखी काही गुन्ह्यांची उकल होण्याची शक्यता असून त्यादृष्टीने पोलिसांकडून कसून चौकशी सुरू आहे.
या कारवाईमुळे पुणे व पिंपरी-चिंचवड परिसरातील नागरिकांमध्ये समाधानाचे वातावरण निर्माण झाले असून गुन्हेगारीविरोधातील पोलिसांची मोहीम अधिक तीव्र करण्यात येणार असल्याचे संकेत मिळत आहेत.
