DakshTimes News Network
प्रतिकूल परिस्थितीत MSRDC ची युद्धपातळीवरील कामगिरी; प्रवाशांना मोठा दिलासा
काशिनाथ शिंदे पुणे
मुसळधार पावसामुळे दरड कोसळून बंद झालेल्या मुंबई–पुणे द्रुतगती मार्गावरील कनेक्टिंग लिंक मार्गावरील मलबा अखेर पूर्णपणे हटविण्यात आला असून हा मार्ग पुन्हा वाहतुकीसाठी खुला करण्यात आला आहे.
अत्यंत प्रतिकूल हवामान आणि सततच्या पावसातही महाराष्ट्र राज्य रस्ते विकास महामंडळ (MSRDC) च्या कर्मचाऱ्यांनी युद्धपातळीवर काम करत अवघ्या काही तासांत मलबा हटवून मार्ग सुरळीत केला. त्यामुळे अडकलेल्या वाहनचालकांना मोठा दिलासा मिळाला आहे.
MSRDC च्या तातडीच्या आणि प्रभावी कारवाईमुळे वाहतूक पूर्ववत सुरू झाली असून, संबंधित यंत्रणेच्या तत्परतेचे सर्व स्तरांतून कौतुक होत आहे. दरम्यान, पावसाचा जोर कायम असल्याने वाहनचालकांनी वेगावर नियंत्रण ठेवून सुरक्षित अंतर राखत प्रवास करण्याचे आवाहन प्रशासनाने केले आहे.
