Oplus_131072
काशिनाथ शिंदे पिंपरी चिंचवड
मोशी (पिंपरी-चिंचवड) : मोशी येथील घनकचरा डेपोवरील भीषण दुर्घटनेच्या पार्श्वभूमीवर महाराष्ट्राचे मुख्यमंत्री देवेंद्र फडणवीस यांनी संपूर्ण घटनाक्रमाचा सविस्तर आढावा घेत प्रशासनाला तातडीच्या उपाययोजना राबविण्याचे स्पष्ट निर्देश दिले. दुर्घटनेतील मृतांच्या कुटुंबीयांना शासनामार्फत आवश्यक ती सर्व मदत त्वरित उपलब्ध करून देण्याच्या सूचना त्यांनी संबंधित अधिकाऱ्यांना दिल्या.
बैठकीदरम्यान महापालिका आयुक्त डॉ. विजय सूर्यवंशी यांनी बचावकार्याची माहिती देताना, हे अभियान आज रात्रीपर्यंत पूर्ण होण्याची शक्यता असल्याचे मुख्यमंत्री फडणवीस यांना सांगितले.
या दुर्घटनेची गंभीर दखल घेत मुख्यमंत्री फडणवीस यांनी मोशी येथील लेगसी वेस्टच्या बायोमायनिंग प्रक्रियेला तातडीने गती देण्याचे आदेश दिले. तसेच, दररोज प्रक्रिया न होता साचणाऱ्या सुमारे एक हजार टन कचऱ्यावर त्वरित प्रक्रिया करण्यासाठी स्वतंत्र, सक्षम व प्रभावी यंत्रणा उभारण्याचे निर्देशही प्रशासनाला दिले.
या महत्त्वपूर्ण बैठकीस महापौर रवी लांडगे, महापालिका आयुक्त डॉ. विजय सूर्यवंशी, पोलीस आयुक्त विनयकुमार चौबे यांच्यासह वरिष्ठ अधिकारी उपस्थित होते.
मोशी दुर्घटनेनंतर राज्य सरकारने घेतलेल्या या निर्णयांमुळे भविष्यात अशा प्रकारच्या दुर्घटना टाळण्यासाठी कचरा व्यवस्थापन अधिक सक्षम करण्याच्या दृष्टीने प्रशासनाने वेगाने काम सुरू करण्याचे संकेत मिळाले आहेत.
About the Author
