Oplus_131072
काशिनाथ शिंदे चाकण
चाकण परिसरात अमली पदार्थांच्या अवैध तस्करीविरोधात चाकण दक्षिण पोलिसांनी धडक कारवाई करत ८ किलो २९० ग्रॅम गांजा जप्त केला आहे. या कारवाईत ४ लाख १४ हजार ६०० रुपयांचा गांजा हस्तगत करण्यात आला असून एका आरोपीला अटक करण्यात आली आहे. तर या प्रकरणातील मुख्य पुरवठादार अद्याप फरार असून त्याचा पोलीस कसून शोध घेत आहेत.
ही कारवाई १० जुलै रोजी दुपारी दोनच्या सुमारास नाणेकरवाडी (ता. खेड) येथील जीएमपी ऑटो कंपनीच्या पाठीमागील मोकळ्या जागेत करण्यात आली. पोलिसांनी सापळा रचून संशयित दिलीप मधुकर शिंदे (सध्या रा. बालाजीनगर, मेदनकरवाडी, ता. खेड, जि. पुणे; मूळ रा. अंतरवाली टेंभी, ता. घनसावंगी, जि. जालना) याला ताब्यात घेतले. त्याच्या ताब्यातून ८ किलो २९०ग्रॅम गांजा जप्त करण्यात आला.
प्राथमिक चौकशीत हा गांजा समीर तडवी याच्याकडून आणल्याची माहिती समोर आली. त्यानुसार दिलीप शिंदे आणि समीर तडवी या दोघांविरुद्ध एनडीपीएस कायदा, १९८५ अंतर्गत चाकण दक्षिण पोलीस ठाण्यात गुन्हा रजिस्टर क्रमांक ५७५/२०२६ अन्वये गुन्हा दाखल करण्यात आला आहे.
मुख्य पुरवठादार समीर तडवी हा सध्या फरार असून त्याचा शोध सुरू आहे. या प्रकरणाचा पुढील तपास पोलीसउपनिरीक्षक मोते करीत आहेत.
अमली पदार्थांच्या तस्करीविरोधात चाकण पोलिसांनी केलेल्या या कारवाईमुळे परिसरातील अवैध अमली पदार्थांच्या नेटवर्कला मोठा धक्का बसल्याची चर्चा आहे.
About the Author
