Oplus_131072
काशिनाथ शिंदे पुणे
कोंढवा खुर्द येथील एनआयबीएम रोडवरील इराणी टी कॅफेमध्ये मुदत संपलेले (एक्स्पायरी) दूध, शीतपेये तसेच इतर कालबाह्य खाद्यपदार्थांचा साठा करून त्यांचा वापर व विक्री केली जात असल्याचा धक्कादायक प्रकार समोर आला आहे. या प्रकरणाची गंभीर दखल घेत अन्न व औषध प्रशासन (एफडीए) विभागाने संबंधित कॅफेवर धडक कारवाई करत विविध खाद्यपदार्थ जप्त केले.
प्राथमिक तपासात मुदत संपलेल्या दुधाचा वापर चहा तयार करण्यासाठी केला जात असल्याची बाब उघड झाल्याची माहिती मिळाली आहे. तसेच कालबाह्य शीतपेये आणि इतर खाद्यपदार्थही कॅफेमध्ये साठवून ठेवण्यात आल्याचे निदर्शनास आले आहे.
दरम्यान, या कारवाईसंदर्भातील एक व्हिडिओ सध्या सोशल मीडियावर मोठ्या प्रमाणात व्हायरल होत असून, ग्राहकांच्या आरोग्याशी खेळ करणाऱ्यांविरोधात संताप व्यक्त केला जात आहे. या घटनेमुळे अन्न सुरक्षेबाबत गंभीर प्रश्न निर्माण झाले असून, संबंधित प्रकरणाचा अधिक तपास अन्न व औषध प्रशासनाकडून सुरू आहे.
नागरिकांनी खाद्यपदार्थ खरेदी करताना त्यावरील उत्पादन व मुदत समाप्तीची तारीख तपासूनच वापर करावा, तसेच अशा प्रकारची माहिती आढळल्यास तातडीने प्रशासनाला कळवावे, असे आवाहन करण्यात आले आहे.
About the Author
