Oplus_131072
काशिनाथ शिंदे छत्रपती संभाजीनगर
राज्यात सुरू असलेल्या ‘सेफ फूड, सेफ महाराष्ट्र’ या विशेष मोहिमेअंतर्गत अन्न व औषध प्रशासनाने (एफडीए) छत्रपती संभाजीनगर येथे निकृष्ट दर्जाच्या खाद्यतेलाविरोधात मोठी धडक कारवाई केली. शहरातील दोनऑईलरिफायनिंगयुनिट्सवरछापेटाकूनतब्बल २.९३ कोटी रुपयांचा संशयित निकृष्ट दर्जाचा खाद्यतेलाचा साठा जप्त करण्यात आला. तसेच संबंधित दोन्ही युनिट्सचे परवाने निलंबित करण्यात आले आहेत.
एफडीएच्या तपासणीदरम्यान उत्पादन प्रक्रियेत अनेक गंभीर त्रुटी आढळून आल्या. अस्वच्छ वातावरणात उत्पादन, वापरलेले डबे पुन्हा वापरणे, आवश्यक गुणवत्ता तपासणीचा अभाव तसेच अन्नसुरक्षा नियमांचे उल्लंघन होत असल्याचे निदर्शनास आले. या गंभीर बाबी लक्षात घेऊन प्रशासनाने तात्काळ कठोर कारवाईचा निर्णय घेतला.
अधिकाऱ्यांनी जप्त केलेल्या खाद्यतेलाचे नमुने प्रयोगशाळेत तपासणीसाठी पाठवले असून, अहवालानुसार संबंधितांवर पुढील कायदेशीर कारवाई केली जाणार आहे.
राज्यात निकृष्ट व भेसळयुक्त अन्नपदार्थांविरोधात सुरू असलेल्या ‘सेफ फूड, सेफ महाराष्ट्र’ मोहिमेमुळे अन्नसुरक्षेबाबत प्रशासनाने कठोर भूमिका घेतल्याचे पुन्हा एकदा स्पष्ट झाले आहे. अशा प्रकारच्या कारवाया पुढेही सुरू राहणार असल्याचा इशारा एफडीएने दिला आहे.
About the Author
