DakshTimes News Network
काशिनाथ शिंदे : देहूरोड
देहूरोड शहर ब्लॉक काँग्रेस कमिटीच्या अध्यक्षपदी श्री. चंद्रशेखर काशीनाथ मारीमुत्तू यांची निवड झाल्यानिमित्त आयोजित पत्रकार परिषद उत्साहपूर्ण वातावरणात पार पडली. या वेळी काँग्रेस पदाधिकारी, कार्यकर्ते तसेच पत्रकार मोठ्या संख्येने उपस्थित होते.
पत्रकार परिषदेत देहूरोड शहर ब्लॉक काँग्रेस कमिटीचे माजी अध्यक्ष तथा नगरसेवक मा. हाजीमलंग काशीनाथ मारीमुत्तू यांनी अध्यक्षपदाची जबाबदारी औपचारिकरित्या नवनिर्वाचित अध्यक्ष श्री. चंद्रशेखर मारीमुत्तू यांच्याकडे सोपविली. त्यानंतर त्यांचा शाल, पुष्पगुच्छ देऊन सत्कार करण्यात आला.
यावेळी पत्रकार संघांचे अध्यक्ष रामकुमार अगरवाल, रमेश कांबळे, देवराम भेगडे आणि संदीप भेगडे यांची प्रमुख उपस्थिती लाभली. तसेच देहूरोड शहर ब्लॉक काँग्रेस कमिटीचे सचिव बबन टोम्पे, किसान सेलचे अध्यक्ष संभाजी पिंजन, ओबीसी सेलचे अध्यक्ष परवेज अत्तार, कार्यकारिणी सदस्य वेंकटेश विश्वनाथ, वेंकटेश मारीमुत्तू यांच्यासह पक्षाचे अनेक पदाधिकारी व कार्यकर्ते उपस्थित होते.
याप्रसंगी नवनिर्वाचित अध्यक्ष श्री. चंद्रशेखर मारीमुत्तू यांनी पक्ष संघटना अधिक सक्षम करण्यासाठी सर्वांना सोबत घेऊन काम करण्याचा निर्धार व्यक्त केला. आगामी काळात जनसामान्यांच्या प्रश्नांवर प्राधान्याने लक्ष देत काँग्रेसची संघटनात्मक ताकद वाढविण्यासाठी कटिबद्ध राहणार असल्याचे त्यांनी सांगितले.
