मल्लिकार्जुन खर्गे यांच्या उपस्थितीच्या कथित विटंबनेच्या निषेधार्थ देहूरोड काँग्रेस आक्रमक; ‘शुद्धीकरण’ करणाऱ्या प्रवृत्तीचा तीव्र निषेध

काशिनाथ शिंदे : देहूरोड

अ खिल भारतीय राष्ट्रीय काँग्रेस कमिटीचे अध्यक्ष मल्लिकार्जुनजी खर्गे यांच्या उपस्थितीने विटंबना झाल्याचे सांगत शुद्धीकरण विधी करणाऱ्या मनुवादी प्रवृत्तीचा देहूरोड शहर ब्लॉक काँग्रेस कमिटीच्या वतीने जाहीर निषेध करण्यात आला.

हा निषेध कार्यक्रम पुणे जिल्हा काँग्रेस उपाध्यक्ष तसेच देहूरोड शहर ब्लॉक काँग्रेस कमिटीचे माजी अध्यक्ष व नगरसेवक हाजीमलंग काशीनाथ मारीमुत्तू यांच्या मार्गदर्शनाखाली घेण्यात आला.

यावेळी देहूरोड शहर ब्लॉक काँग्रेस कमिटीचे अध्यक्ष चंद्रशेखर मारीमुत्तू, उपाध्यक्ष वेंकटेश कोळी, मावळ तालुका अल्पसंख्याक अध्यक्ष गफूरभाई शेख, सचिव बबन टोम्पे, युवा नेते मलिक शेख, सदस्य विष्णू नरसप्पा, युवा नेते आसिफ सय्यद, सामाजिक कार्यकर्ते महेश गायकवाड, मलंग शेख, अहमद शेख, भूपेंद्र सिंग, शिवाजी जगदाळे यांच्यासह ब्लॉक काँग्रेस कमिटीचे पदाधिकारी व कार्यकर्ते उपस्थित होते.

सामाजिक समता, संविधानिक मूल्ये आणि लोकशाहीचा आदर राखणे हीच काँग्रेसची भूमिका असून, जातीभेद व मनुवादी विचारसरणीला प्रोत्साहन देणाऱ्या अशा कृतींचा तीव्र शब्दांत निषेध करण्यात आला. सामाजिक सलोखा आणि बंधुभाव कायम राखण्याचे आवाहनही यावेळी करण्यात आले.