DakshTimes News Network
काशिनाथ शिंदे
पिंपरी-चिंचवड : चिंचवड विधानसभा मतदारसंघाचे आमदार शंकरभाऊ जगताप यांनी आज पिंपरी-चिंचवड महानगरपालिकेच्या महापौर कार्यालयात सदिच्छा भेट दिली. यावेळी महापौर रवी लांडगे तसेच गणेशजी कवठेकर उपस्थित होते.
या भेटीदरम्यान पिंपरी-चिंचवड शहरातील विविध विकासकामांसह पीएमपीएमएलच्या माध्यमातून सार्वजनिक वाहतूक व्यवस्था अधिक सक्षम करण्याबाबत सविस्तर चर्चा करण्यात आली. शहरातील नागरिकांना भेडसावणाऱ्या विविध नागरी समस्यांवर तसेच प्रलंबित विकासकामांना गती देण्याच्या दृष्टीनेही सकारात्मक चर्चा झाली.
शहराच्या विकासाचा केंद्रबिंदू हा नागरिक असला पाहिजे. प्रत्येक नागरिकाला चांगले रस्ते, सक्षम सार्वजनिक वाहतूक, दर्जेदार नागरी सुविधा आणि सुलभ सेवा उपलब्ध करून देण्यासाठी लोकप्रतिनिधी आणि महापालिका प्रशासन यांच्यातील समन्वय अधिक मजबूत करण्यावर यावेळी भर देण्यात आला.
प्रलंबित विकासकामे मार्गी लावून नागरिकांना अधिक चांगल्या सुविधा देण्यासाठी समन्वयाने काम करण्याचा निर्धार यावेळी व्यक्त करण्यात आला.
