DakshTimes News Network
काशिनाथ शिंदे :चिंचवड येथील प्रभाग क्रमांक १७ मध्ये पाणीपुरवठ्याच्या गंभीर समस्येबाबत नागरिकांच्या वाढत्या तक्रारींची दखल घेत माजी नगरसेविका पल्लवी सुधीर वाळ्हेकर यांनी प्रशासनाला चांगलेच धारेवर धरले. या संदर्भात आयोजित बैठकीत कनिष्ठ अभियंता साधना ठोंबरे व संबंधित कर्मचाऱ्यांची झाडाझडती घेत नागरिकांच्या अडचणींबाबत तीव्र नाराजी व्यक्त करण्यात आली.
बैठकीदरम्यान परिसरातील अनियमित पाणीपुरवठा, कमी दाबाने होणारा पुरवठा तसेच नागरिकांना भेडसावणाऱ्या इतर समस्यांवर सविस्तर चर्चा करण्यात आली. यावेळी नागरिकांनी प्रशासनाच्या कार्यपद्धतीबाबत नाराजी व्यक्त करत तातडीने उपाययोजना करण्याची मागणी केली.
पल्लवी वाळ्हेकर यांनी संबंधित अधिकाऱ्यांना नियमित आणि सुरळीत पाणीपुरवठा सुरू करण्याचे निर्देश देत समस्येचे तात्काळ निराकरण करण्याचे आदेश दिले. तसेच नागरिकांच्या मूलभूत सुविधांबाबत कोणतीही हलगर्जीपणा खपवून घेतला जाणार नसल्याचा इशाराही त्यांनी दिला.
नागरिकांना दिलासा मिळावा आणि पाणीपुरवठा सुरळीत व्हावा यासाठी प्रशासनाने त्वरित कार्यवाही करावी, अशी अपेक्षा नागरिकांकडून व्यक्त होत आ:हे.
