DakshTimes News Network
राज्यपाल जिष्णु देव वर्मा यांच्या हस्ते मुंबईत पदक अलंकरण; उल्लेखनीय प्रशासकीय सेवेचा सन्मान
काशिनाथ शिंदे
पिंपरी-चिंचवड : पिंपरी-चिंचवडचे पोलीस आयुक्त विनय कुमार चौबे यांना उल्लेखनीय प्रशासकीय सेवेबद्दल राष्ट्रपती पोलीस पदक प्रदान करण्यात आले. मुंबईतील लोकभवन येथील दरबार हॉलमध्ये शुक्रवार, दि. ९ ऑक्टोबर रोजी आयोजित पदक अलंकरण समारंभात महाराष्ट्राचे राज्यपाल जिष्णु देव वर्मा यांच्या हस्ते त्यांचा गौरव करण्यात आला.
राष्ट्रपतींनी १५ ऑगस्ट २०२३ रोजी विनय कुमार चौबे यांना त्यांच्या उल्लेखनीय प्रशासकीय कार्याबद्दल राष्ट्रपती पोलीस पदक जाहीर केले होते. या पुरस्काराचे वितरण शुक्रवारी आयोजित समारंभात करण्यात आले.
चौबे यांना मिळालेला हा सन्मान त्यांच्या प्रशासकीय सेवेतील योगदानाची आणि कर्तव्यनिष्ठेची पावती मानला जात आहे. त्यांच्या या गौरवामुळे पिंपरी-चिंचवड पोलीस दलाच्या शिरपेचात मानाचा तुरा रोवला गेला आहे.
राष्ट्रपती पोलीस पदकामुळे पोलीस दलातील अधिकारी आणि कर्मचाऱ्यांमध्ये अभिमानाचे वातावरण निर्माण झाले आहे. उल्लेखनीय प्रशासकीय सेवेचा गौरव करणारा हा सन्मान पिंपरी-चिंचवड पोलीस दलासाठी महत्त्वपूर्ण ठरला आहे.
