DakshTimes News Network
काशिनाथ शिंदे पिंपरी, : महाराष्ट्र नवनिर्माण सेना पिंपरी-चिंचवड शहर व प्रभाग क्रमांक १३ निगडी यांच्या वतीने मनसे अध्यक्ष राज ठाकरे यांच्या वाढदिवसानिमित्त दहावी व बारावीतील गुणवंत विद्यार्थ्यांच्या सत्कार समारंभाचे आयोजन करण्यात आले. हा कार्यक्रम पिंपरी-चिंचवड महानगरपालिकेच्या सद्गुरू दत्त उद्यान, यमुनानगर येथे उत्साहात पार पडला.
यावेळी दहावी व बारावी परीक्षेत उल्लेखनीय यश संपादन केलेल्या विद्यार्थ्यांना गौरवचिन्ह आणि गौरवपत्र देऊन सन्मानित करण्यात आले. यमुनानगर ज्येष्ठ नागरिक संघाच्या वतीने विद्यार्थ्यांचा विशेष सत्कार करण्यात आला. प्रभागातील १०० हून अधिक विद्यार्थ्यांनी या कार्यक्रमात सहभाग नोंदविला.
कार्यक्रमाला विद्यार्थ्यांसह पालकांचीही मोठ्या प्रमाणावर उपस्थिती लाभली. गुणवंत विद्यार्थ्यांच्या यशाचा गौरव करताना त्यांना भविष्यातील शैक्षणिक वाटचालीसाठी शुभेच्छा देण्यात आल्या. कार्यक्रमानंतर विद्यार्थ्यांसाठी अल्पोपहाराचीही व्यवस्था करण्यात आली होती.
या प्रसंगी मनसे शहराध्यक्ष सचिन चिखले, माजी नगरसेविका सौ. अश्विनी सचिन चिखले, शाखाध्यक्ष सागर बहुले, रोहित काळभोर, मनसे शहर सरचिटणीस मनोज लांडगे, राजू साळवे, आकाश कांबळे, वैभव फालके, अमोल सकट, स्वप्निल महांगरे, विठ्ठल रोमाडे यांच्यासह अनेक मान्यवर उपस्थित होते.
कार्यक्रमाच्या माध्यमातून विद्यार्थ्यांच्या शैक्षणिक यशाचा गौरव करत त्यांना पुढील वाटचालीसाठी प्रेरणा देण्याचा प्रयत्न करण्यात आला.
