DakshTimes News Network
काशिनाथ शिंदे पुणे
पुण्यातील भारती विद्यापीठ पोलीस ठाण्याने गुन्हेगारीविरोधात पुन्हा एकदा आक्रमक भूमिका घेत भर रस्त्यात धडक कारवाई करत सराईत आणि संशयित गुन्हेगारांना कायद्याचा जबरदस्त धाक दाखवला. वरिष्ठ पोलीस निरीक्षक मानसिंग पाटील यांच्या नेतृत्वाखाली राबविण्यात आलेल्या या विशेष मोहिमेमुळे संपूर्ण परिसरात खळबळ उडाली असून, गुन्हेगारी प्रवृत्तींना थेट इशारा देण्यात आला आहे.
या कारवाईदरम्यान पोलिसांनी संशयितांची कसून तपासणी करत सराईत गुन्हेगारांवर कठोर कारवाई केली. कायदा व सुव्यवस्था बिघडविणाऱ्या कोणत्याही व्यक्तीची गय केली जाणार नाही, असा स्पष्ट संदेश पोलिसांनी या मोहिमेतून दिला.
भर रस्त्यात पोलिसांनी दाखविलेल्या या धडक कारवाईमुळे परिसरातील गुन्हेगारांमध्ये भीतीचे वातावरण निर्माण झाले असून, सर्वसामान्य नागरिकांनीही या कारवाईचे स्वागत केले आहे. पोलिसांच्या या ठोस भूमिकेमुळे नागरिकांमध्ये सुरक्षिततेची भावना अधिक दृढ झाली आहे.
वरिष्ठ पोलीस निरीक्षक मानसिंग पाटील यांच्या मार्गदर्शनाखाली गुन्हेगारीवर प्रभावी नियंत्रण ठेवण्यासाठी अशाच प्रकारच्या धडक मोहिमा सातत्याने राबविण्यात येणार असल्याचे पोलिसांकडून सांगण्यात आले. “गुन्हेगारांना कायद्याचा धाक आणि नागरिकांना सुरक्षिततेचा विश्वास” हेच या मोहिमेचे प्रमुख उद्दिष्ट असल्याचेही स्पष्ट करण्यात आले.
